CREATIVIDADE II : "O PRINCIPIÑO E O HEMISFERIO DEREITO DO CEREBRO"

"As persoas maiores aconselláronme abandonar o debuxo de serpes boas, xa fosen abertas ou pechadas, e poñer máis interese na xeografía, a historia, o cálculo e a gramática. Deste xeito á idade de seis anos abandonei unha magnífica carreira de pintor. Quedara desilusionado polo fracaso dos meus debuxos número 1 e número 2. As persoas maiores nunca poden comprender algo por si soas e é moi aburrido para os nenos ter que darlles unha e outra vez explicacións. " 

 

 

 

(Figura realizada en cartón pedra por Mónica)

(Cartaz realizado por unha alumna de 4º de diversificación curricular sobre unha ilustración dunha nena de Educación Infantil)

 
-->

COMO NACE ESTE PROXECTO?

Este traballo nace da colaboración entre profesorado de secundaria e profesorado de educación infantil. É posible que sexa un dos poucos proxectos no que traballen xuntas dúas etapas educativas tan diferentes, por iso resulta tan motivante e enriquecedor.

Non é a primeira vez que docentes do IES Leliadoura colaboran con profesorado de infantil. Os dous cursos pasados, dúas compañeiras deste centro coordinaron proxectos como “atelieristas” seguindo a filosofía das escolas Reggio Emilia. O primeiro ano centrámonos no MAR “Sentindo o mar” . O curso seguinte, a TERRA, en concreto ás árbores e os bosques.

Este curso miraremos cara o CEO e intentaremos abordar o tema partindo dun clásico da literatura universal: O principiño de Saint-Exupéry. A intención e que todo o traballo desemboque nunha exposición común durante a semana cultural que se celebrará no mes de maio no IES Leliadoura.

Non deixa de ser un experimento.

As conclusións chegarán ao final (se chegan), cando levemos á práctica as nosas intuicións sobre o tema.

Goran Bregovic - Ederlezi (Vaska Jankovska)